Un matrimonio sin filtros

Marga e Jaime decidiron separarse tras quince anos xuntos, convencidos de que a ruptura será sinxela… ata que descobren que ambos queren quedarse coa casa. A partir de aí, o escenario convértese nun campo de batalla emocional onde saen á luz reproches, segredos e verdades incómodas que normalmente só se din portas cara dentro. Sen pudor nin filtros, a parella expón as súas miserias ante o público cun ritmo áxil e situacións tan recoñecibles como hilarantes.